(1)మరీచి కొడుకు కశ్యప ప్రజాపతి. బ్రహ్మదేవుడి కుడి చేతి బొటన వేలి నుండి దక్షుడు అనే పురుషుడు, ఎడమచేతి బొటన వేలి నుండి ధరణి అనే స్త్రీ జన్మించారు. వారు ఇరువురికి వెయ్యి మంది మహా రుషులు జన్మించారు. (2)బ్రహ్మ మానస పుత్రులలో రెండవ వాడైన అంగిరుసున కు, ఉతధ్యుడు, బృహస్పతి, సంవర్తుడు అనే కొడుకులు పుట్టారు. బృహస్పతి దేవతలకు గురువు ఐనాడు. (3).అత్రి అనే మానసపుత్రునికి అనేక మంది మహా మునులు జన్మించారు.(4) పులస్త్యుడు అనే బ్రహ్మ మానసపుత్రునకు, రాక్షసులు జన్మించారు. (5)పులహుడు అనే మానస పుత్రునకు, కిన్నరలు, కింపురుషులు జన్మించారు.(6)క్రతువు అనే మాన సపుత్రునకు పక్షి జాతి పుట్టింది.

॥ శ్రీః ॥
12.223. అధ్యాయః 223
Mahabharata - Shanti Parva - Chapter Topics
భీష్మేణ యుధిష్ఠిరంప్రతి జనకోపాఖ్యానకథనం॥ 1॥
Mahabharata - Shanti Parva - Chapter Text

`* యుధిష్ఠిర ఉవాచ। 12-223-0x(6105)(74090)
కిం కారణం మహాప్రాజ్ఞ దహ్యమానశ్చ మైథిలః।
మిథిలాం నేహ ధర్మాత్మా ప్రాహ వీక్ష్య విదాహితాం॥ 12-223-1(74091)
భీష్మ ఉవాచ। 12-223-2x(6106)
శ్రృయతాం నృపశార్దూల యదర్థం దీపితా పురా।
వహ్నినా దీపితా సా తు తన్మే శృణు మహామతే॥ 12-223-2(74092)
జనకో జనదేవస్తు కర్మాణ్యాధ్యాయ చాత్మని।
సర్వభావమనుప్రాప్య భావేన విచచార సః॥ 12-223-3(74093)
యజందదంస్తథా జుహ్వన్పాలయన్పృథివీమిమాం।
అధ్యాత్మవిన్మహాప్రాజ్ఞస్తన్మయత్వేన నిష్ఠితః॥ 12-223-4(74094)
స తస్య హృది సంకల్పం జ్ఞాతుమైచ్ఛత్స్వయం ప్రభుః।
సర్వలోకాధిపస్తత్ర ద్విజరూపేణ సంయుతః॥ 12-223-5(74095)
మిథిలాయాం మహాబుద్ధిర్వ్యలీకం కించిదాచరన్।
స గృహీత్వా ద్విజశ్రేష్ఠైర్నృపాయ ప్రతివేదితః॥ 12-223-6(74096)
అపరాధం సముద్దిశ్య తం రాజా ప్రత్యభాషత।
న త్వాం బ్రాహ్మణ దండేన నియోక్ష్యామి కథంచన॥ 12-223-7(74097)
మమ రాజ్యాద్వినిర్గచ్ఛ యావత్సీమా భువో మమ।
తచ్ఛ్రుత్వా బ్రాహ్మణో గత్వా రాజానం ప్రత్యువాచ హ॥ 12-223-8(74098)
కరిష్యే వచనం రాజన్బ్రవీహి మమ జానతః।
కా సీమా తవ భూమేస్తు బ్రూహి ధర్మం మమాద్య వై॥ 12-223-9(74099)
తచ్ఛ్రుత్వా మైథిలో రాజా లజ్జయావనతాననః।
నోవాచ వచనం విప్రం తత్వబుద్ధ్యా సమీక్ష్య తత్॥ 12-223-10(74100)
పునఃపునశ్చ తం విప్రశ్చోదయామాస సత్వరం।
బ్రూహి రాజేంద్ర గచ్ఛామి తవ రాజ్యా ద్వివాసితః॥ 12-223-11(74101)
తతో నృపో విచార్యైవమాహ బ్రాహ్మణపుంగవం।
ఆవాసో వా న మేఽస్త్యత్ర సర్వా వా పృథివీ మమ।
గచ్ఛ వా తిష్ఠ వా బ్రహ్మన్నితి మే నిశ్చితా మతిః॥ 12-223-12(74102)
ఇత్యుక్తః స తథా తేన మైథిలేన ద్విజోత్తమః।
అబ్రవీత్తం మహాత్మానం రాజానం మంత్రిభిర్వృతం॥ 12-223-13(74103)
త్వమేవం పద్మనాభస్య నిత్యం పక్షపదాహితః।
అహో సిద్ధార్థరూపోఽసి గమిష్యే స్వస్తి తేఽస్తు వై॥ 12-223-14(74104)
ఇత్యుక్త్వా ప్రయయౌ విప్రస్తజ్జిజ్ఞాసుర్ద్విజోత్తమాన్।
అదహచ్చాగ్నినా తస్య మిథిలాం భగవాన్స్వయం॥ 12-223-15(74105)
ప్రదీప్యమానాం మిథిలాం దృష్ట్వా రాజా న కంపితః।
జనైః స పరిపృష్టస్తు వాక్యమేతదువాచ హ॥ 12-223-16(74106)
అనంతం వత మే విత్తం భావ్యం మే నాస్తి కించన।
మిథిలాయాం ప్రదీప్తాయాం న మే కించన దహ్యతే॥ 12-223-17(74107)
తదస్య భాషమాణస్య శ్రుత్వా శ్రుత్వా హృది స్థితం।
పునః సంజీవయామాస మిథిలాం తాం ద్విజోత్తమః॥ 12-223-18(74108)
ఆత్మానం దర్శయామాస వరం చాస్నై దద్రౌ పునః।
ధర్మే తిష్ఠస్వ సద్భావో బుద్ధిస్తేఽర్థే నరాధిప॥ 12-223-19(74109)
సత్యే తిష్ఠస్వ నిర్విణ్ణః స్వస్తి తేఽస్తు వ్రజాంయహం।
ఇత్యుక్త్వా భగవాంశ్చైనం తత్రైవాంతరధీయత।
ఏతత్తే కథితం రాజన్కిం భూయః శ్రోతుమిచ్ఛసి॥' ॥ 12-223-20(74110)

ఇతి శ్రీమన్మహాభారతే శాంతిపర్వణి మోక్షధర్మపర్వణి త్రయోవింశత్యధికద్విశతతమోఽధ్యాయః॥ 223॥

Mahabharata - Shanti Parva - Chapter Footnotes

* 223, 223 ఏతదధ్యాయద్వయం ధ. పుస్తకఏవ దృశ్యతే।

www.sanatanadharm.com - play store app (sanatana dharm)

"Bharathiya Sanatana Dharm" and Sanatana Dharmam & Dharmo rakshati Rakshitha logo are our trademarks. Unauthorised use of "Sanatana Dharmam & Dharmo rakshoati Rakshitha" and the logo is not allowed. Copyright © sanatanadharm.com All Rights Reserved . Made in India.